منگل , 13 اپریل 2021
ensdur

کرپشن میں 4 گنا اضافہ ہوگیا، الیکشن میں بہت برا سلوک ہوگا: حکومتی اراکین کا انتباہ

فیصل آباد سے تحریک انصاف منتخب رکن قومی اسمبلی راجہ ریاض اور ایم این اے خواجہ شیراز اپنی ہی حکومت پر برس پڑے ہیں۔

پی ٹی آئی کے اراکین قومی اسمبلی راجہ ریاض اور خواجہ شیراز  معروف صحافی حامد میر کے پروگرام میں شریک تھے۔  ‘کیپٹل ٹاک’ میں بات چیت کرتے ہوئے کہا کہ پی ٹی آئی کی حکومت سے پہلے جو کرپشن 10 ہزار کی تھی وہ آج 30 ہزار  پر پہنچ گئی ہے۔ لوگ ہم سے کاموں کے بارے میں پوچھتے ہیں دل ہی نہیں چاہتا کہ دفتر جائیں یا کسی عوامی پلیٹ فارم پر جائیں ہمارے پاس لوگوں کو بتانے کے لئے ہے کیا۔ تمام معاملات پر بیوروکریسی کی بالادستی ہو گئی ہے۔ جتنی بیوروکریسی آج مضبوط ہے کبھی بھی نہیں تھی۔

پی ٹی آئی کے رکن قومی اسمبلی خواجہ شیراز محمود نے انکشاف کیا کہ انکے حلقے میں ضلع کونسل کا ایک رکن بھی غریبوں کے لیے رکھے احساس پروگرام سے 12 ہزار روپے لے اڑا۔ انکی شکایت کے باوجود کوئی ایکشن نہیں لیا گیا۔ انہوں نے کہا کہ قومی اسمبلی کی کارروائی وزیر پارلیمانی امور کے بجائے غیر منتخب مشیر بابر اعوان چلا رہے ہیں جو کہ منتخب لوگوں کی توہین ہے۔

راجہ ریاض نے وزیراعظم کے مشیروں پر بھی تنقید کرتے ہوئے کہا کہ ان کا کوئی حلقہ نہیں، جس دن حکومت گئی یہ اٹیچی کیس اٹھا کر چلے جائیں گے۔ ان کا کہنا تھا کہ الیکشن میں سیاست دانوں کو جانا ہے، وہ خود ہر روز اپنے ڈیرے پر بیٹھتے ہیں، معلوم ہے لوگ کتنا ناراض ہیں، اگلے الیکشن میں ہم سے بہت برا سلوک ہو گا۔

تعارف Editor

یہ بھی چیک کریں

پیپلزپارٹی نے پی ڈی ایم عہدوں سے استعفے مولانا فضل الرحمن کو بھجوا دیئے

پیپلز پارٹی نے اپوزیشن اتحاد پی ڈی ایم سے علیحدگی کے فیصلے پر مرحلہ وار …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے