ہفتہ , 17 اپریل 2021
ensdur

ن لیگ اپنے وزیراعلیٰ پنجاب کا اعلان کرے، ہم ساتھ دینگے: سید حسن مرتضیٰ

یپلز پارٹی کے رہنما سید حسن مرتضیٰ نے سردار عثمان بزدار کو نااہل، ناکام اور نکھٹو قرار دیتے ہوئے کہا ہے کہ مسلم لیگ (ن) لیگ پنجاب میں اپنے وزیراعلیٰ کا اعلان کرے، پیپلز پارٹی ساتھ دے گی۔

تفصیل کے مطاب پنجاب اسمبلی میں پیپلز پارٹی کے پارلیمانی لیڈر سید حسن مرتضیٰ نے دعویٰ کیا ہے کہ عید پر پنجاب میں ان ہاؤس تبدیلی کا تحفہ دیں گے۔ حکمران جماعت کی 25 سے 30 ارکان رابطے میں ہیں۔

سید حسن مرتضیٰ نے کہا کہ پنجاب میں ان ہاؤس تبدیلی کے لیے اپوزیشن لیڈر حمزہ شہباز شریف سے رابطوں کا فیصلہ کر لیا گیا ہے۔ آج پنجاب میں تمام طبقات سڑکوں پر ہیں۔ حتیٰ کہ گونگے اور بہرے لوگ بھی احتجاج کر رہے ہیں۔ ملک میں مہنگائی، بیروزگاری اور انارکی بڑھتی جا رہی ہے۔

ان کا کہنا تھا کہ پنجاب میں تبدیلی ناگزیر ہو چکی ہے۔ پی ٹی آئی کے 25 سے 30 ممبران ہم سے سوال کرتے ہیں کہ آپ پنجاب میں تبدیلی کیوں نہیں لاتے؟ میاں شہباز شریف اور حمزہ شہباز کیساتھ رابطہ کر کے بات کرینگے کہ بطور اکثریتی جماعت اگے آئیں کیونکہ وزارت اعلیٰ ان کا حق بنتا ہے۔

انہوں نے کہا کہ ہم نے اب آواز بلند نہ کی تو حکومت کے شریک جرم ٹھہریں گے۔ قوم کو عید کے بعد پنجاب میں تبدیلی کی عیدی دینگے، اس سلسلے میں جدوجہد اور رابطے تیز کرینگے۔

تعارف Editor

یہ بھی چیک کریں

محکمہ داخلہ نے کالعدم ٹی ایل پی کے سربراہ سعد رضوی کا شناختی کارڈ بلاک کردیا گیا

کالعدم تنظیم تحریک لبیک پاکستان (ٹی ایل پی)کے سربراہ سعد رضوی کا شناختی کارڈ بلاک …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے