ہفتہ , 17 اپریل 2021
ensdur

سینیٹ انتخابات: پی ڈی ایم کے متفقہ امیدوار یوسف رضا گیلانی کے کاغذات نامزدگی منظور

سینیٹ انتخابات میں امیدواروں کی سکروٹنی کا عمل جاری ہے۔ پی ڈی ایم کے مفتقہ امیدوار سید یوسف رضا گیلانی کی سینیٹ انتخاب لڑنے کی راہ ہموار ہوگئی۔ ریٹرننگ آفیسر نے پی ٹی آئی کے اعتراضات مسترد کرتے ہوئے سابق وزیراعظم کے کاغذات نامزدگی منظور کرلئے۔

گزشتہ روز پی ٹی آئی کے فرید رحمن نے یوسف رضا گیلانی کے کاغذات چیلنج کئے۔ ان کے وکیل نے دلائل میں کہا یوسف رضا گیلانی کرپشن میں ملوث رہے ہیں اور سپریم کورٹ کی طرف سے بھی سزا یافتہ ہیں، سوئس حکومت کو خط نہ لکھ کر سپریم کورٹ کی توہین کی گئی، وزیر اعظم کی حیثیت سے اپنے ہی حلف کی خلاف ورزی کی، اس غیر قانونی عمل پر عمر بھر کیلئے نا اہلی بنتی ہے، یوسف رضا گیلانی آرٹیکل 62، 62 کے تحت اہل نہیں۔

جوابی دلائل میں سابق وزیراعظم کے وکیل نے موقف اپنایا کہ یوسف رضا گیلانی کو سپریم کورٹ نے علامتی سزا دی تھی، نااہلی کی مدت 2017 میں ختم ہو چکی ہے، کسی الزام یا زیر سماعت مقدمہ پر نااہلی نہیں بنتی۔ ریٹرنگ آفیسر نے دونوں وکلاء کے دلائل سننے کے بعد فیصلہ محفوظ کرلیا تھا جو آج سنا دیا گیا۔

تعارف Editor

یہ بھی چیک کریں

محکمہ داخلہ نے کالعدم ٹی ایل پی کے سربراہ سعد رضوی کا شناختی کارڈ بلاک کردیا گیا

کالعدم تنظیم تحریک لبیک پاکستان (ٹی ایل پی)کے سربراہ سعد رضوی کا شناختی کارڈ بلاک …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے