سندھ میں پی ٹی آئی کو مسلسل شکست کا سامنا، تھرپارکر میں پیپلز پارٹی کے امیر علی شاہ فاتح

پچھلے ایک ماہ میں سندھ میں ہونے والے چوتھے انتخابات میں پی ٹی آئی کو شکست، تھرپارکر میں قومی اسمبلی کی نشست این اے 221 پر پیپلز پارٹی کے امیدوار امیر علی شاہ ایک لاکھ 2 ہزار 232 ووٹ لے کر کامیاب ہوگئے۔ جبکہ ان کے مد مقابل پی ٹی آئی کے نظام الدین 52 ہزار 522 ووٹ ہی حاصل کرسکے۔

تفصیلات کے مطابق قومی اسمبلی کے حلقہ این اے 221 تھرپارکر 1 پر ضمنی انتخاب کے لیے پولنگ کا عمل صبح 8 بجے شروع ہوا جو شام 5 بجے تک بلاتعطل جاری رہا۔ پیپلز پارٹی اور پی ٹی آئی کے امیدواروں سمیت 12 امیدوار مدمقابل تھے۔ پیپلز پارٹی کے پیر امیر علی شاہ کامیاب رہے اور پی ٹی آئی کے نظام الدین دوسرے نمبر پر رہے۔

دوسری جانب چیف الیکشن کمشنر سکندر سلطان راجہ نے تھر پار کر کے ضمنی انتخاب کے پر امن انعقاد پر مُسرت کا اظہار کرتے ہوئے سندھ کی انتظامی مشینری کو سراہا ہے۔

• پیپلز پارٹی والے استعفے کیوں دیں؟ | ایاز امیر
• سینیٹ انتخابات میں حکومت کو ہزیمت کا سامنا: یوسف رضا گیلانی نے حفیظ شیخ کو شکست دیدی
• پیپلز پارٹی سندھ ایگزیکٹو کا اجلاس وزیر اعلیٰ ہاؤس میں جاری