بزدار حکومت نے ایک بار پھر آئی جی پنجاب کی تبدیلی پر غور شروع کردیا

پنجاب حکومت کا دو سال میں چوتھا آئی جی بھی تبدیل کرنے پر غور، سی سی پی او لاہور اور آئی جی پنجاب کے حالیہ تنازع کے بعد آئی جی پنجاب شعیب دستگیر کی تبدیلی پر غور شروع کردیا ہے۔

میڈیا رپورٹس کے مطابق آئی جی پنجاب شعیب دستگیر نے عمر شیخ کی بطور سٹی چیف پولیس آفیسر (سی سی پی او) کی بغیر مشاورت تعیناتی کے خلاف اپنے تحفظات کا اظہار دو روز قبل وزیراعظم سے ملاقات کے دوران کیا تھا، جس پر وزیراعظم نے انہیں وزیراعلی سے ملاقات کرکے معاملے کو حل کرنے کا کہا۔

آج آئی جی پنجاب یونیفارم کے بغیر ہی سادہ لباس میں وزیراعلی سے ملاقات کیلئے پہنچے، ملاقات کے دوران وزیراعلی نے انہیں سی سی پی او کی تعیناتی پر قائل کرنے کی کوشش کی مگر وہ اپنے موقف سے پیچھے نہیں ہٹے۔

ذرائع کے مطابق آئی جی شعیب دستگیر کا کہنا تھا کہ یا تو سی سی پی او رہیں گے یا میں، وزیراعلی سے ملاقات کے بعد شعیب دستگیر اپنے دفتر بھی نہیں گئے۔

• کرونا وائرس: پنجاب حکومت نے سرکاری دفاتر میں عام لوگوں کا داخلہ بند کردیا
• عثمان بزدار کی تبدیلی کی افواہیں پھیلانے کے پیچھے تحریک انصاف کا کونسا دھڑا شامل ہے؟
• کورونا وائرس: پنجاب حکومت نے کورونا کیئر سینٹر قائم کردیا

جس کے بعد ذرائع کا کہنا ہے کہ حکومت پنجاب نے آئی جی پنجاب کو تبدیل کرنے کا فیصلہ کرلیا ہے اور ان کے متبادل ناموں پر غور بھی شروع کردیا ہے۔