جمعرات , 4 مارچ 2021
ensdur

اکاؤنٹنگ میں ورلڈ ٹاپر، زارا نعیم پاکستانی قوم کا فخر بن گئی ہیں

پاکستانی طالبہ زارا نعیم ڈار نے اکاؤنٹنگ کے امتحان میں دنیا بھر میں سب سے زیادہ نمبر لیے اور انعام کی حقدار قرار پائیں تو سوشل میڈیا اس منفرد اعزاز پر انہیں سراہے بغیر رہ نہ سکا۔

لاہور سے تعلق رکھنے والی زارا نعیم کو ملنے والی کامیابی سے متعلق گفتگو کے بیشتر شرکا اس بات پر متفق تھے کہ ان کی یہ کامیابی سبھی کے لیے قابل فخر ہے۔

 

سوشل میڈیا پر اپنی کامیابی سے متعلق گفتگو دیکھی اور تعریفی کلمات سنے تو زارا نعیم نے پاکستانی انٹرنیٹ صارفین کا شکریہ ادا کیا اور اپنی انسٹاگرام پوسٹ میں اپنے جذبات بھی سامنے لائیں۔

دسمبر 2020 میں ایسوسی ایشن آف چارٹرڈ سرٹیفائیڈ اکاؤنٹنٹس (اے سی سی اے) کے فنانشل رپورٹنگ سے متعلق امتحان میں زارا نعیم دنیا بھر میں سب سے زیادہ نمبر حاصل کر کے انعام کی حقدار قرار پائی ہیں۔

1904 میں اکاؤنٹنگ سے متعلق قائم کی گئی عالمی باڈی اے سی سی اے دنیا کے 50 سے زائد ملکوں میں 104 دفاتر یا سینٹرز کے ذریعے کام کرتی ہے۔ لندن میں صدر دفاتر اور گلاسگو میں انتظامی دفاتر رکھنے والا ادارہ اکاؤنٹنسی کی تعلیم سے متعلق اہم ترین مرکز مانا جاتا ہے۔

تعارف Editor

یہ بھی چیک کریں

یوسف رضا گیلانی کو چیئرمین سینیٹ منتخب کرائیں گے: بلاول بھٹو زرداری

پاکستان پیپلز پارٹی (پی پی پی) کے چیئر مین بلاول بھٹو زرداری نے کہا ہے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے